ტრენინგი VI

                                                   ტრენინგი VI
     მეექვსე ტრენინგიც დასრულდა.დღეს ვეწვიეთ ტრენინგის მონაწილეების ბლოგებს და კომენტარები (უკუკავშირი) გავუკეთეთ მათ რეფლექსიებს.შემდეგ განვიხილეთ მეხუთე მოდულის მოსწავლეთა პროექტების შეფასება.ინდიკატორების მიხედვით გავიგეთ,როგორ დავწეროთ პროცედურები,რომელიც შემდეგი ტრენინგისთვის გვაქვს დავალებად.ახალი მასალა დაგვეხმარა,აღმოგვეჩინა შეცდომები წინა შესრულებულ დავალებებში და გაგვესწორებინა.

წიგნი თუ კომპიუტერი?

ტრენინგი V

                                             ტრენინგი V
      ტრენინგის ფარგლებში დღეს გავეცანით,თუ როგორ უნდა გავაკეთოთ კარგი რეფლექსია და რა დროს გამოვიყენოთ ის.კონკრეტული ინფორმაცია საინტერესოა არა მარტო ამ კნკრეტულ შემთხვევაში,არამედ განმავითარებელი შეფასების დროსაც.ძალიან საინტერესო ინფორმაცია მივიღეთ საავტორო უფლებებთან დაკავშირებით,რაც ბავშვებში საკუთარი საავტორო უფლებებისა დაცვასაც შეუწყობს ხელს და სხვის პატივისცემასაც ისწავლიან.გავეცანით ახალ რეგულაციებს ამ თემასთან დაკავშირებით.
       ბოლოს მოვიძიეთ საჭირო ინფორმაცია და შევქმენით სლაიდ-შოუ პროექტის პრეზენტაციისთვის.

ტრენინგი IV

                                                      ტრენინგი IV
     გავეცანით შეფასების ხუთ მიზანს,თითოეულიდან შევარჩიეთ ჩვენი პროექტისთვის სასარგებლო მეთოდები და ინსტრუმენტები.შევქმენით ცხრილი "ვიცი-მინდა ვიცოდე-გავიგე" და შევავსეთ.ცხრილი დამეხმარა კითხვების უკეთესად ორგანიზებაში,რომელიც დავამატე ჩემი პროექტის გეგმას.ძალიან სასარგებლო დღე იყო.

ტრენინგი III

                                                              ტრენინგი III
   განვიხილეთ დავალებები,ბუკლეტები. ვისწავლეთ როგორ უნდა შევუსაბამოთ ერთმანეთს 21-ე საუკუნის უნარ-ჩვევები და ჩვენი პროექტის მიზნები და შედეგები.გავეცანით განახლებულ ბლუმის ტაქსონომიას.გავიგეთ,რომ მიზნები და შედეგები უნდა შეესაბამებოდეს მაღალ სააზროვნო უნარებს.შემდეგ კონკრეტულად ჩვენი პროექტების თემას შევეხეთ.დავახარისხეთ შეკითხვები კატეგორიების მიხედვით:ზოგადი,თემატური და შინაარსობრივი.წავიკითხეთ რამდენიმე ვარიანტი და შევიმუშევეთ ჩვენი პროექტისთვის საინტერესო.ბოლოს კი ყველაფერი ერთად ავტვირთეთ drive-ზე.

ტრენინგი II

                                                           ტრენინგი II
      დღეს მოვუსმინეთ ერთმანეთის საპროექტო იდეებს,რომელიც ძალიან საინტერესო გამოდგა იმ მხრივ,რომ უკეთესად გავიგე როგორ იწერება პროექტი და რას უნდა მიექცეს ყურადღება.დავეხმარეთ ერთმანეთს საუკეთესო  სათაურების შერჩევაში.გარდა ამისა,გავეცანით ბუკლეტის ნიმუშს და შევქმენით ჩვენი პროექტისთვისაც.ბუკლეტი დააინტერესებს როგორც მოსწავლეებსა და მშობლებს,ასევე სხვა დაინტერესებულ პირებს.
      საშინაო დავალება:დავასრულოთ ბუკლეტის შექმნა.

ტრენინგი I

                                                                ტრენინგი I
 პირველ ტრენინგზე შევისწავლეთ viewer_ის გამოყენება,ჩემთვის აღმოჩენა იყო ეს საიტი.შევქმენით პროექტის პორთფოლიო,ასევე გავეცანით პროექტის მახასიათებლების ჩეკლისტს,პორტფოლიოს ჩეკლისტს,გავხსენით ახალი ბლოგი და ა.შ.ყველაფერმა ამან საშუალება მომცა გამეგო,როგორ დავგეგმო სწორად პროექტი,რას მიექცევა ყურადღება,როდესაც შეაფასებენ ჩემ მიერ შექმნილ და განხორციელებულ პროექტს.
     ჩემთვის მნიშვნელოვანი იყო გამეგო,თუ რამდენად ნაყოფიერია პროექტის გამოყენება სასწავლო პროცესში და როგორი შედეგების მოტანა შეუძლია მას ყოფით ცხოვრებაში.პროექტების საშუალებით ჩვენ შეგვიძლია ბავშვებს შევძინოთ ის უნარ-ჩვევები,რომელიც უნდა ჰქონდეს 21-ე საუკუნის ადამიანს.
     შემდეგი ტრენინგისთვის უნდა მოვიფიქროთ პროექტის თემა.